पौष १५, बेलका । उदयपुर महिला बाईक राईडर द्वारा आयोजना तथा महिला सशक्तिकरण श्रोत केन्द्र उदयपुरको सहकार्यमा गरीएको “मोटरसाईकल यात्रा २०८२” गाईघाट देखी बेलका नगरपालिकाको कोशीपुल सम्म गएर टुङगिएको छ।
आज पुष १५ गते “महिला सशत्तिकरणका लागी,हाम्रो मोटर साईकल यात्रा” भन्ने मुख्य नारा सहित निकालिएको मोटरसाईल र्याली लाई सदरमुकाम गाईघाट बजार बाट कोशी प्रदेशका उपसभामुख सिर्जना दनुवार,त्रियुगा नगरपालिकाका नगर-प्रमुख बसन्त बस्नेत,उप-प्रमुख महेश्वरी राई लगायत उपस्थित ब्यक्तिहरुले टिका-खदा लगाई यात्राको शुभकामना ब्यक्त गरेका थिए । राजमार्ग अन्तरगत बेल्टार बजारको पुष्पलाल चौकमा चौदण्डीगढीका नगर प्रमुख कालुमान लामा, बेलका नगरपालिकाको लालबजारमा मगर संघ संगै स्थानिय युवाहरु र रामपुर बजारमा उधोग बाणिज्य संघले स्वागत,सम्मान गरेका थिए।
उक्त र्यालीमा जिल्लाका बिभिन्न पालिका बाट २२ जना महिला बाईक राईडर हरु सहभागी भएका थिए भने र्याली बेलका नगरपालिकाको कोशी पुलमा पुगे पछी बेलकाका नगर उप-प्रमुख जिरा राई र महिला,बालबालिका तथा जेष्ठ नागरिक शाखा प्रमुख ज्योती राईले टिका,खदा,माला लगाएर स्वागत,सम्मान गर्नुभएको थियो।
र्याली सम्पन्न भए पश्चात चुला रेस्टुरेन्टमा महिला सशक्तिकरण बिषयमा अनुभव साटासाट संगै अबको भुमिका बिषयमा छलफल,अन्तरक्रिया तथा महिला अधिकार,आत्मानिर्भरता र सामामजिक परिबर्तनको सन्देश बोकेर अगाडी निरन्तर बढी रहने आयोजकले बताएको छ।
