११ भदौ, बेलका / उदयपुरको बेलका नगरपालिका ९ रामपुरस्थित बेलका नगर अस्पताल परिसरमा गणेश मन्दिरको विधिवत रूपमा उद्घाटन गरिएको छ ।
सो मन्दिरको उद्घाटन प्रमुख अतिथि एवम् बेलका नगरपालिका नगर प्रमुख अशोक कार्कीले धार्मिक विधिपूर्वक गर्नुभयो । कार्यक्रममा नगरप्रवक्ता तथा वडा नं. ३ का अध्यक्ष टंक प्रसाद आचार्य, वडा नं. ९ का अध्यक्ष भरत घिमिरे, वडा सदस्य सुवास बस्नेतसहित अस्पतालका कर्मचारी, समाजसेवी र विभिन्न दलका प्रतिनिधिहरुको उपस्थिति रहेको थियो ।
मन्दिरमा स्थापित गणेश मूर्तिले अस्पतालमा उपचारका लागि आउने सेवाग्राहीमा सकारात्मक ऊर्जा र शुभकामना फैलाउने विश्वास व्यक्त गरिएको छ ।
