चैत २३, बेलका । बेलका नगरपालिकाको वडा नं १ स्थित आम्वासीमा चैत्र १४ गते देखी सुरु भएको १० दिने अचार बनाउने तालिम आज सम्पन्न भएको छ।
”सिप सिकौ,स्वरोजगार बनौ” भन्ने मुख्य नारा सहित सहारा सामुदायिक अध्यन केन्द्र बेलका १ आम्बासीको आयोजना तथा बेलका नगरपालिका शिक्षा शाखाको आर्थिक सहयोगमा सम्पन्न
यस कार्यक्रमको अध्यक्षता संस्थाका अध्यक्ष टिका तामाङले गरेका थिए भने प्रमुख अतिथि बेलका नगरपालिकाका उप-प्रमुख जिरा राई, बिशिष्ट अतिथि वडा नं १ का अध्यक्ष दिनेश्वर प्रसाद चौधरी, अतिथिहरु कार्यपालिका सदस्य निर्मला बि.क. निवर्तमान उप-प्रमुख राजकुमारी चौधरी, बेलका एफ.एम. का अध्यक्ष महेन्द्र राई, बिभिन्न टोल बिकास संस्थाका अध्यक्ष तथा संघ संस्थाका प्रतिनिधि,पत्रकार तथा तालिममा सहभागी हरुको सहभागिता रहेको थियो
तालिममा सहभागी १५ जना लाई १३ प्रकारको अचार बनाउने तरिका प्रशिक्षक सुनिता तिवारी हुमागाईंले दिएका थिए। उक्त समापन कार्यक्रम लाई सम्बोधन गर्ने क्रममा प्रमुख अतिथि जिरा राईले अहिले सिकेको सिप मार्फत स्वाद र गुणस्तर लाई प्राथमिक्ता दिदै निरन्तरता सहित ब्यवसायि बन्न अनुरोध गर्नुभयो । त्यसै गरी बिशिष्ट अतिथि दिनेश्वर प्रसाद चौधरीले कानुनी बाधा रहित कार्यहरुमा वडाले पुर्ण रुपले सहयोग गर्ने प्रतिबद्दता ब्यक्त गर्नुभयो ।
कार्यक्रममा स्वागत मन्तब्य चन्द्र नारायण चौधरीले राखेका थिए भने सन्चालन संस्थाका सचिब रेनुका राई गरेका थिए। तालिममा सहभागी ब्यक्तिहरु लाई प्रमाणपत्र बितरण गर्दै कार्यक्रम समापन भएको छ।
