बेलका, ११ साउन। बेलका नगरपालिका उद्योग वाणिज्य संघको अधिवेशन आज पनि स्थगित भएको छ। अधिवेशनको लागि आज दोस्रो पटकको भेलामा पनि कोरम नपुगेकोले आउने १५ गते सम्मको लागि स्थगित गरिएको हो।
५औं साधारण सभा तथा अधिवेशनको लागि गत असार २५ गते बेलका नगरपालिका ९ सिटि हलमा कार्यक्रम भएको थियो। अधिवेशनको लागि ६६ प्रतिशत उद्योग व्यावसायिहरुको उपस्थिति हुनु पर्नेमा कोरम नपुगे पछि आज साउन ११ गतेको लागि दोस्रो पटक भेला बोलाइएको थियो। जसमा ५१ प्रतिशत उपस्थित हुनु पर्नेमा आज पनि कोरम नपुगे पछि पुनः स्थगित गरिएको बेलका उद्योग वाणिज्य संघका अध्यक्ष पर्शुराम अधिकारीले बताउनु भयो।
अधिकारीका अनुसार अधिवेशनको लागि तेस्रो भेला साउन १५ गते सोमबार पुनः भेला हुने सल्लाह भएको छ। उक्त भेलाको उपस्थितिले अधिवेशन सम्पन्न हुने छ। र नयाँ कार्यसमिति समेत चयन हुने छ।
