१६ जेठ बेलका, उदयपुर — अपाङ्गता भएका व्यक्तिहरूलाई सार्वजनिक यातायातमा भाडा छुट दिलाउने विषयमा बेलका अपाङ्ग संघको आयोजनामा अन्तरक्रिया कार्यक्रम सम्पन्न भएको छ।
कार्यक्रममा नगर उप–प्रमुख जिरा राई, प्रशासकीय अधिकृत रविकिरण आचार्य, प्रहरी प्रतिनिधि, यातायात व्यवसायी र सरोकारवाला निकायहरूको उपस्थिति रहेको थियो।
सीता पौडेलले अपाङ्गताको कानुनी तथा संवैधानिक अधिकारहरूबारे सहजीकरण गर्नुभएको कार्यक्रम बेलका नगरपालिका, करुणा फाउण्डेसन नेपाल, र कोशी प्रदेश सरकारको साझेदारीमा सम्पन्न भएको हो।
कार्यक्रमको अध्यक्षता महिनाराण चौधरी र सञ्चालन रुवी मगरले गर्नुभएको थियो।
