१६ जेठ, बेलका – बेलका नगरपालिकामा जारी प्रथम नगर स्तरीय अन्तर मा.बि. फुटबल प्रतियोगिता २०८२ अन्तर्गत जनता नमुना मा.बि. गुरुङचौरीले महाकाली मा.बि. चम्पापुरलाई ४-२ गोल अन्तरले पराजित गर्दै फाइनलमा प्रवेश गरेको छ।
बेलका नगरपालिका वडा नं. ६ स्थित लेकाली खेल मैदानमा आज भएको पहिलो सेमिफाइनल खेलमा गुरुङचौरीले उत्कृष्ट प्रदर्शन गर्दै चम्पापुरमाथि सहज जित निकालेको हो।
त्यसै गरी दोस्रो खेलमा कोशी मा.बि. रामपुर र जनता मा.बि. जहडाबीच कडा प्रतिस्पर्धा भएको थियो। निर्धारित समयसम्म दुवै टोलीले कुनै गोल गर्न नसकेपछि खेल पेनाल्टी सुट आउटमा पुगेको थियो। पेनाल्टीमा कोशी मा.बि. रामपुरले जनता मा.बि. जहडालाई ५-४ ले हराउँदै सेमीफाइनल यात्रा सुनिश्चित गरेको छ।
अब कोशी मा.बि. रामपुरले भोली १७ जेठ दिनको ४:०० बजे जनता मा.बि. पुवारेथुम्कासँग सेमीफाइनल खेल्नेछ। यस खेलको विजेता फाइनलमा जनता नमुना मा.बि. गुरुङचौरीसँग प्रतिस्पर्धा गर्नेछ।
फाइनल खेल जेठ १८ गते दिनको ३:४५ बजे हुने आयोजक समितिले जानकारी दिएको छ।
