कात्तिक १७, बेलका / उदयपुरको बेलका नगरपालिका-१ आम्बासीबाट प्रहरीले प्रतिबन्धित लागुऔषध गाँजा सहित एक जनालाई पक्राउ गरेको छ।
पक्राउ पर्ने व्यक्ति बेलका नगरपालिका–९ निवासी ३२ वर्षीय अटो चालक बल बहादुर वि.क. रहेका छन्।
जिल्ला प्रहरी कार्यालय उदयपुरका अनुसार रुपनगर–चतरा–नडाह सडकखण्ड अन्तर्गत आम्बासी नजिकै चेकजाँचका क्रममा रामपुरबाट फत्तेपुरतर्फ जाँदै गरेको को २ ह ४२४६ नम्बरको अटोको पछाडि लुकाई राखिएको अवस्थामा १० किलो २३० ग्राम गाँजा फेला परेको हो। गाँजा सहित पक्राउ परेका चालकलाई इलाका प्रहरी कार्यालय रामपुर ठोक्सिलामा राखी थप अनुसन्धान भइरहेको प्रहरीले जनाएको छ।
