२६ पुष, बेलका / इलामको इलाम नगरपालिका – १२ साङरुम्बामा सञ्चालन भइरहेको दोस्रो माघेसक्रान्ति भेट्रान कप २०८२ फुटबल प्रतियोगितामा बेलका भेट्रान एफसी सेमिफाइनलमा प्रवेश गरेको छ।
बेलका भेट्रान एफसीले एक्तेन भेट्रान एफसीलाई ५-१ गोल अन्तरले पराजित गर्दै सेमिफाइनल यात्रा तय गरेको हो।
सुकेपोखरी खेलकुद समिति द्वारा आयोजित प्रतियोगिता सुकेपोखरी खेलमैदानमा जारी छ, जहाँ १४ वटा भेट्रान टोलीको सहभागिता रहेको छ।
प्रतियोगिताको फाइनल खेल माघ १ गते हुने आयोजकले जनाएको छ। फाइनलको विजेताले नगद ३० हजार रुपैयाँसहित मेडल, उपविजेताले नगद २० हजार रुपैयाँ र मेडल तथा तेस्रो स्थान हासिल गर्ने टोलीले नगद ६ हजार रुपैयाँ र मेडल प्राप्त गर्नेछन्।
