मंसिर १५, बेलका । बेलका नगरपालिका–४, गुरुङचौरी स्थित श्री जनता नमुना माध्यमिक विद्यालयमा कक्षा ११ र १२ का विद्यार्थीहरू लाई स्वस्थ जीवन नै धन हो , बुढेशकालमा रोग सँग लड्ने क्षमता कसरी बढाउने , जीवनमा संघर्ष गर्नुपर्ने , आज विदेशिने लर्को छ विदेश जादा धेरै सिप क्षमता बनाएर जानु पर्ने लगायत बिबिध बिषयमा अन्तरक्रियात्मक प्रशिक्षण गरिएको थियो ।
कार्यक्रममा जेष्ठ नागरिक चौतारीका संस्थापक अध्यक्ष डा. बालकृष्ण थापा मगरले विदेश अध्ययन तथा रोजगारीमा जाँदा आवश्यक पर्ने कानुनी प्रक्रिया, भाषा दक्षता, सांस्कृतिक अनुकूलन, तथा जोखिम व्यवस्थापनका विषयमा विस्तृत जानकारी गराएका थिए ।
