३१ असार,बेलका / नेकपा एमाले बेलका नगरपालिका वडा नम्बर-४ वडा कमिटीले माध्यमिक शिक्षा परिक्षा (एसईई) २०८१ मा बेलका नगरपालिका -४वडामा बसोबास गरि विभिन्न बिद्यालयहरुबाट उतिर्ण भएका विद्यार्थीहरुलाई एक कार्यक्रमका बीच सम्मान गरेको छ।
कार्यक्रम मंगलबार लालबजारमा सम्पन्न भएको हो। कार्यक्रममा प्रमुख अतिथि नेकपा एमाले उदयपुर जिल्ला अध्यक्ष भावत राउत, विशेष अतिथि बेलका नगरपालिका पूर्व नगरप्रमुख दुर्गा कुमार थापा (स्वस्तिक) लगायतले विद्यार्थीहरूलाई सम्मानपत्र प्रदान गरेका थिए।
नेपाल एमाले वडा नम्बर–४ ले यस वर्ष सर्वोत्कृष्ट नतिजा (४.०० जिपिए) ल्याउने नर्थस्टार इङ्लिश बोर्डिङ स्कुलकी रेखा शाहलाई नगद ५१ हजार ६ सय ५ रुपैयाँसहित सम्मानपत्र प्रदान गरेको छ।
त्यसैगरी, अन्य उत्कृष्ट नतिजा ल्याउने विद्यार्थीहरूलाई पनि सम्मान गरिएको छ। सम्मानित विद्यार्थीहरूमा समिक्षा अधिकारी (३.९५ जिपिए), स्मारिका राई (३.९२ जिपिए), खुशी मगर (३.८६ जिपिए), प्रनिशा राई (३.८६ जिपिए), अशिम राई (३.८६ जिपिए), प्रकाश निरौला (३.८३ जिपिए), करुणा चौलागाईं (३.८३ जिपिए), रिजन बस्नेत (३.७३ जिपिए), सिटल राई (३.६९ जिपिए), निखिल निरौला (३.६८ जिपिए), सचिन खड्का (३.८७ जिपिए), सचिना खड्का (३.८७ जिपिए), सिम्रन अधिकारी (३.६७ जिपिए), प्रनिस तामाङ (३.८३ जिपिए), कृति खत्री (३.७५ जिपिए), सृष्टि विश्वकर्मा (३.६१ जिपिए), कृति चौलागाईं (३.६६ जिपिए) र कृष्ण बन (३.६७ जिपिए) छन्।
कार्यक्रममा नेकपा एमाले जिल्ला अध्यक्ष भावत राउत र पूर्व नगर प्रमुख दुर्गा कुमार थापाले आर्थिक अभावका कारण कुनै पनि विद्यार्थी उच्च शिक्षाबाट बञ्चित नहोस् भन्ने उद्देश्यले पार्टीले सदैव सहयोग गर्ने प्रतिबद्धता व्यक्त गरे।
