“बेलकामा महिला स्वास्थ्य स्वयंसेविकालाई नसर्ने रोग र मानसिक स्वास्थ्य सम्बन्धि अभिमुखिकरण कार्यक्रम सम्पन्न”

“सबल आर्थिक, सामाजिक र भौतिक पूर्वाधार बेलका नगर विकासको प्रमुख आधार” भन्ने मूल नाराका साथ बेलका नगरपालिकामा महिला स्वास्थ्य स्वयंसेविकाहरूका लागि नसर्ने रोग तथा मानसिक स्वास्थ्य सम्बन्धि १ दिने अभिमुखिकरण कार्यक्रम सम्पन्न भएको छ। बेलका नगरपालिका स्वास्थ्य शाखाको आयोजनामा गरिएको उक्त अभिमुखिकरण कार्यक्रम नगरपालिकाको सभाहलमा सम्पन्न भएको हो। कार्यक्रममा बेलका नगरभित्रका ४४ जना महिला स्वास्थ्य स्वयंसेविका तथा स्वास्थ्य बीमा दर्ता सहयोगीहरू सहभागी थिए। कार्यक्रममा नगरप्रमुख अशोक कार्की, उप–प्रमुख जिरा राई, नि. प्रमुख प्रशासकीय अधिकृत, वार्ड नं. ३ का वडा अध्यक्ष, तथा स्वास्थ्य शाखा प्रमुखको उपस्थिति रहेको थियो। कार्यक्रमको अवसरमा नगरप्रमुख अशोक कार्कीको हातबाट सहभागी महिला स्वास्थ्य स्वयंसेविका र बीमा दर्ता सहयोगीहरूलाई प्रोत्साहन स्वरूप छाता र झोला वितरण गरिएको थियो। स्वास्थ्य तथा मानसिक चेतनाको सशक्त सन्देश फैलाउन गरिएको यो कार्यक्रमले महिला स्वास्थ्य स्वयंसेविकाहरूलाई थप सक्षम र जानकार बनाउने विश्वास आयोजक पक्षले व्यक्त गरेका छन्।