२ माघ – बेलका। बेलका नगरपालिकाको सभाहलमा नगरप्रमुख अशोक कार्कीको अध्यक्षतामा आदिवासि जनजाति आयोग पुल्चोक, ललितपुरको आयोजना र बेलका नगरपालिकाको सहकार्यमा आदिवासि जनजाति समुदायको भाषा, संस्कृति, परम्परागत सीप प्रविधि र विशिष्ट ज्ञानको संरक्षण र प्रवर्द्धनका बिषयमा छलफल र अन्तरक्रिया कार्यक्रम भएको छ।
कार्यक्रममा जनजाति आयोगका केन्द्रीय अध्यक्ष मा. राम बहादुर थापा, सदस्य शरण कुमार राई, नगर उप प्रमुख जिरा राई, वडा अध्यक्षहरु साथै बेलका नगर स्तरीय आदिवासि जनजाति महासंघका पदाधिकारीहरु लगायतको उपस्थिति रहेको थियो ।
आदिवासी जनजातिका पहिचान र परिभाषा बिषयमा जनजाति आयोगका केन्द्रीय अध्यक्ष राम बहादुर थापाले प्रष्ट पार्नुभएको थियो भने कार्यक्रमको बिषयमा जनजाति आयोगका सदस्य शरण कुमार राईले सुझाउनु भएको थियो। कार्यक्रममा नगर उप प्रमुख जिरा राई ले स्वागत मन्तव्य मार्फत स्वागत गर्नुभएको थियो। नगरप्रमुख अशोक कार्कि ले समापन गर्दै आदिवासि जनजातिका बिषयमा बेलका नगरपालिका सहयोग गर्न सधै तत्पर रहेको र आगामी योजना निर्माणमा समेत सहकार्य गरेर अगाडी बढ्ने जानकारी गराउनुभएको थियो।
