१९ जेठ, बेलका । सुनाखरी युवा क्लबको आयोजना तथा मुख्य सहयोगी धिरेन्द्र कुमार दाहाल रौतामाई कन्ट्रक्सन प्रालि. गाईघाट साथै बेलका नगरपालिकाको बिशेष सहयोगमा आयोजित लालबजार खेल मैदानमा भै रहेको “प्रथम आमन्त्रित बेलका च्यालेन्ज कप २०८१” मा बुद्द एकता क्लब सेमीफाईनल प्रबेश गरेको छ। आज भएको खेलमा बुद्द एकता क्लबले ३-० को गोल अन्तरले यलम्बर फुटबल क्लब लाई हराउदै सेमिफाईनलको यात्रा तय गरेको हो।
बुद्द एकता क्लबको तर्फ बाट जर्सी नं ११ का अभिस मगरले २ गोल र जर्सी नं १२ का एलन राईले १ गोल गरेका छन।यलम्बर फुटबल क्लबको तर्फ बाट भने कुनै गोल हुन सकेन।खेलको म्यान अफ द म्याच बुद्द एकता क्लबका अभिस मगरले प्राप्त गरेका छन। आजको खेल आयोजक समितीले सार्वजनिक गरेको तालिका (टाईसिट) अनुसार फ्युजन फुटबल क्लब गाईघाट र बुद्द एकता क्लब बेलका बिच रहेको थियो। अन्तिम समयमा प्राविधिक कारण देखाई फ्युजन फुटबल क्लबले सहभागी हुन नसक्ने जानकारी गराए पछी यलम्बर फुटबल क्लबलाई सहभागी गराईएको आयोजक समितीले जानकारी गराएको छ। यो भन्दा अगाडी बेल्टार युनाईटेड क्लब चौदण्डी,अजम्बरी फुटबल क्लब बेलका र आयोजक सुनाखरी युवा क्लब बेलका सेमीफाईनल प्रबेश गरीसकेका छन। सेमीफाईनलको पहिलो खेल बेल्टार युनाईटेड क्लब चौदण्डी र सुनाखरी युवा क्लब बेलका बिच भोली दिनको ३ बजे देखी हुनेछ । प्रत्येक खेलको प्रत्यक्ष प्रसारण (LIVE) बेलका एफ एम को फेसबुक पेज बाट गर्दै आईरहेको छ।
