२० जेठ, बेलका । प्रथम आमन्त्रित बेलका च्यालेन्ज कप २०८१ मा बेल्टार युनाईटेड क्लब फाईनल प्रबेश गरेको छ। आज भएको खेलमा बेल्टार युनाईटेड क्लबले आयोजक सुनाखरी युवा क्लबलाई २-० को गोल अन्तरले हराउदै फाईनलको यात्रा तय गरेको हो।
बेल्टार युनाईटेड क्लबको तर्फ बाट जर्सी नं ५ का बिबेक परियारले १ गोल र जर्सी नं १० का सचिन खड्काले १ गोल गरेका छन।दुवै गोल खेलको मध्यान्तर अगाडी भएको थियो।सुनाखरी युवा क्लबको तर्फ बाट भने कुनै गोल हुन सकेन।खेलको म्यान अफ द म्याच बेल्टार युनाईटेड क्लबका गोल किपर प्रजल शेर्पाले प्राप्त गरेका छन।
क्वाटर फाईनलमा बेल्टार युनाईटेड क्लब चौदण्डीले ब्रोदरहुड फुटबल क्लबलाई २-१ गोल र सुनाखरी युवा क्लबले पनि बराहक्षेत्र फुटबल क्लब लाई २-१ गोल अन्तरले हराउदै सेमीफाईनल प्रबेश गरेका हुन।सेमीफाईनलको अर्को खेल अजम्बरी फुटबल क्लब र बुद्द एकता क्लब बिच भोली दिनको ३ बजे देखी हुनेछ ।
यस खेलको आयोजना सुनाखरी युवा क्लबले गरेको छ भने मुख्य सहयोगी धिरेन्द्र कुमार दाहाल रौतामाई कन्ट्रक्सन प्रालि र बिशेष सहयोगी बेलका नगरपालिका रहेको छ।
प्रत्येक खेलको प्रत्यक्ष प्रसारण (LIVE) बेलका एफ एम को फेसबुक पेज बाट गर्दै आईरहेको छ।
