असार ४, बेलका । लालबजार युवा समुहको आयोजना, बेलका नगरपालिका वडा नं ४ संरक्षक साथै बेलका नगर खेलकुद समितिको समन्वयमा जेठ २४ गते देखी सुरु भएको दोस्रो लालबजार च्यालेन्ज कप फुटबल प्रतियोगिता २०८२ को उपाधि अजम्बरी एफ.सी. ले उचालेकोछ।
जनता मा.बि. जहडाको खेलमैदानमा ”बिकास, सुशासन र गतिशीलता” भन्ने मुख्य नारा सहित सम्पन्न फाईनल खेलमा अजम्बरी एफ.सि.ले यलम्बर एफ.सी. लाई २-० गोल अन्तरले हराएकोछ। यस खेलमा बेलका युथ क्लब, बुद्द एकता क्लब, अजम्बरी एफ.सी. , रियल डुम्रिबोटे एफ.सि., योङ ब्रोदर एफ.सि., लाङघालि लाफा क्लब, लालबजार युथ क्लब, युनाईटेड युथ एफ.सि., मुनलाईट एफ.स्पोर्ट, यलम्बरएफ.सि., शिखर एफ.सि., देउरालि एफ.सि. गरी जम्मा १२ टिमको सहभागिता रहेको थियो ।
चित्र कार्कीको अध्यक्षतामा समापन भएको फाईनल खेलको प्रमुख अतिथि बेलका नगरपालिकाका नगर प्रमुख अशोक कार्की अतिथिहरु कार्यपालिका सदस्य,राजनितिक दलका प्रमुख तथा प्रतिनिधि,सुरक्षाकर्मी,बुद्दिजिबी,समाजसेवी,पत्रकार तथा खेलप्रेमीहरुको बाक्लो उपस्थिति रहेको थियो।
बिजेता टिमले नगद रु. २५,०००, शिल्ड, मेडल र प्रमाणपत्र प्राप्त गरेको छ भने उपविजेताले नगद रु. १५,००० सहित शिल्ड, मेडल र प्रमाणपत्र प्राप्त गरेका छन्। त्यसै गरी ब्यक्तिगत बिधातर्फ उत्कृष्ट गोलकिपर,उत्कृष्ट डिफेन्डर,हाई स्कोरर,उत्कृष्ट मिड फिल्डर,उदियमान खेलाडी,उत्कृष्ट कोचलाई नगदले पुरस्कृत गरिएको थियो ।
