माघ १७ बेलका । ईलाका प्रहरी कार्यालय रामपुर ठोक्सिलाले २१ वटा बोरामा रहेको ५७९ के.जि. परिणामको प्रतिबन्धित लागु औषध गाजा नष्ट गरेको छ।
भोजपुर,संखुवासभा,धनकुटा बाट लुकाई छिपाई ल्याईने प्रतिबन्धित गाजा उदयपुर र सुनसरी जिल्लाको सिमनामा पर्ने सप्तकोशी नदी लाई ओसारपसारका लागी मुख्य मार्गको रुपमा प्रयोग गर्दै आईरहेको पाईएको छ।
उदयपुर जिल्ला बेलका नगरपालिकाको बिभिन्न स्थान बाट बरामद गरेको गाजा हरु आज जनप्रतिनिधि,शसस्त्र प्रहरीको प्रतिनिधि,पत्रकारहरुको उपस्थितिमा बेलका नगरपालिका वडा नं ८ सप्तकोशी नदी किनारमा नष्ट गरिएको हो।
प्रतिबन्धित लागू औषध गाँजा ओसारपसारमा प्रयोग गरिएको सेतो रंगको बा.२१ च १८११ नम्वरको सेन्ट्रो कार समेत प्रहरीले नियन्त्रणमा लिएको छ।
यस घटनाका सम्बन्धमा थप अनुसन्धान भइरहेको ईलाका प्रहरी कार्यालय रामपुर ठोक्सिलाका प्रहरी निरिक्षक अस्बिन तोलाङगेले बताउनु भयो।
