माघ १८ बेलका । बेलका नगरपालिका वडा नं ४ स्थित युनिक शिशु सदन स्कुल द्वारा २४औं बार्षिक खेलकुद सप्ताह सुरु भएको छ।
“स्पोर्ट फर पिस एण्ड युनिटी” भन्ने मुख्य नारा सहित आज एक औपचारिक कार्यक्रम गरी सुरुभएको छ। स्कुलका प्रधानाध्यापक लेखनाथ सुबेदीले अध्यक्षता गर्नुभएको कार्यक्रमको प्रमुख अतिथि बेलका नगरका नगर प्रमुख अशोक कार्की, बिशेष अतिथिहरु वडा नं ९ का वडाध्यक्ष भरत घिमीरे,नगर शिक्षा शाखा प्रमुख हरी कट्टेल,बेलका नगर प्याब्सनका सचिब ललित राई,स्कुलका संस्थापक एकलब्य गुरुङ(समिर) लगायत स्थानिय बुद्दिजिबी, समाजसेवी,पत्रकार साथै अभिभावक हरुको बाक्लो उपस्थिति रहेको थियो।
कार्यक्रममा मार्चपास,तेक्वान्दो डेमो,नृत्यहरुले उपस्थित सबै लाई मनोरञ्जन दिएको थियो। कार्यक्रम लाई सम्बोधन गर्दै प्रमुख अतिथि कार्कीले बेलका नगर सरकारले यस नगर भित्रका सरकारी र निजी बिधालयका बिधार्थीहरु लाई आत्मारक्षा कार्यक्रम अन्तरगत तेक्वान्दो प्रशिक्षण कार्यक्रम चलाई रहेको बताउदै उक्त खेलाहरुले आवश्यक परे राष्ट्रको समेत रक्षा गर्ने बताउनुभयो।
खेलकुद सप्ताह समापनमा बिधालयले उत्कृष्ट खेलाडीहरु लाई सम्मान गर्ने स्कुल प्रशासनले बताएको छ।
