अजम्बर पुलामी-
२६ कात्तिक, बेलका / उदयपुरको बेलका नगरपालिका रामपुर बजारमा ‘रामपुर मिनि महोत्सव–२०८२’ आयोजना हुने भएको छ।
बेलका उद्योग वाणिज्य संघको मुख्य आयोजनामा र बेलका युवा क्लब तथा रामपुर युनाइटेड युवा ग्रुपको सह–आयोजनामा कात्तिक २८ गतेदेखि सुरु हुने यो महोत्सव भव्य रूपमा मनाइने भएको आयोजकले जनाएको छ।
महोत्सवमा विभिन्न जातजातिका मौलिक तथा स्वादिष्ट परिकारका खाद्यान्न स्टलहरू, बाल–बालिकाका मनोरञ्जनात्मक खेलहरू, रोटे पिङ, नौका, ड्राइन रेल लगायतका आकर्षण रहने छन्।
त्यसैगरी,ख्यातिप्राप्त राष्ट्रिय कलाकारहरू पल शाह, एलिना चौहान, Chhewang & The Creators लगायतका लोकप्रिय कलाकारहरूले सांगीतिक तथा सांस्कृतिक प्रस्तुति दिने कार्यक्रम तय गरिएको छ।
महोत्सवले स्थानीय कला, संस्कृति, पर्यटन र व्यापार प्रवर्द्धनमा टेवा पुग्ने विश्वास आयोजक पक्षले व्यक्त गरेको छ।
