साउन ४, ललितपुर । क्लिन एयर नेटवर्क नेपाल (CAAN) र शिकागो विश्वविद्यालय अन्तरत EPIC को संयुक्त आयोजनामा ललितपुरको पुल्चोकस्थित साझा यातायातको हलमा वायु गुणस्तर मापदण्डसम्बन्धी गोष्ठी सम्पन्न भएको छ।
कार्यक्रममा वातावरण विभागका उपसचिव तथा प्रवक्ता दीपक ज्ञवालीको विशेष उपस्थितिमा वायु गुणस्तरसँग सम्बन्धित मापदण्डबारे सुझाव संकलन गरिएको थियो। कार्यक्रमको सभापतित्व CAAN की अध्यक्ष सुमित्रा महत कर्माचार्यले गर्नुभएको थियो।
प्यानल छलफलमा वरिष्ठ वायु प्रदूषण विज्ञ भूषण तुलाधरको संयोजनमा WHO का डा. सुधन राज पन्थी, डा. रेजिना मास्के ब्यान्जु, मिनर्जीका सुवेष प्रजापति र नागरिक समाजका प्रतिनिधिहरूले वायु प्रदूषण नियन्त्रणका उपाय र मापदण्डबारे आफ्ना धारणा प्रस्तुत गरेका थिए।
आयोजकले गोष्ठीमा संकलित सुझावलाई आगामी नीति तथा मापदण्ड निर्माणमा उपयोग गरिने बताएकाछन ।
