भदौ २, बेलका / उदयपुर आइडल सिजन-२ को अडिसन चरण सम्पन्न भएसँगै अब ५० जना प्रतिभाशाली प्रतियोगी थिएटर राउन्डमा प्रवेश गरेका छन्। यो उदयपुर जिल्लाका लागि गर्वको कुरा हो, जसले जिल्लामा संगीतप्रतिको गहिरो आकर्षण र मायालाई उजागर गरेको छ।
स्पोन्सर र पर्याप्त बजेट नहुँदा पनि कार्यक्रमलाई आत्मबल र उत्साहका साथ अघि बढाइएको आयोजकले जनाएका छन्। यिनै ५० जनामध्ये कसैले जिल्लालाई मात्र नभई देश र सम्भवतः विश्व स्तरमै चिनाउन सक्ने सम्भावना रहेको विश्वास लिइएको छ।
कार्यक्रमलाई अझ प्रभावकारी र प्रतिष्ठित ब्रान्डका रूपमा विकसित गर्नका लागि आयोजकहरूले उदयपुरका आठै नगरपालिका र गाउँपालिकाको साथ, सहयोग र प्रोत्साहनको अपेक्षा गरेका छन्। यसबारे उदयपुर कलाकार समाजका अध्यक्ष तथा कार्यक्रम संयोजक अशोक शिवाले जानकारी दिनुभएको हो।
