२१,जेष्ठ बेलका / उदयपुरको सुपाडेमा एक दिने बृहत कृषि प्रर्दशनी मेला सम्पन्न भएको छ । बुधबार बेलका नगरपालिका -५ स्थित सुपाडेमा कृषि प्रर्दशनी मेला आयोजना गरिएको थियोे ।
बेलका नगरपालिका वडा नं. ५ को आयोजनामा र राष्ट्रिय कृषक समुह महासंघ नेपाल, सहारा नेपाल, सहास नेपाल, महिला साना किसान कृषि सहकारी संस्था लि. रामपुर उद्यमशिल बहुउद्देश्यीय सहकारी संस्था रामपुर हुरेन्डेक उदयपुरको मुख्य सहयोगमा मेलाको आयोजना गरिएको हो ।
कृषि उपजका विधाहरुमा नगदे बाली, तरकारी बाली, फलफूल बाली, खाद्यान्न बाली दलहन बाली, बासबाट बनेको विभिन्न सामग्रीहरुलाई छुट्टाछुट्टै रूपमा प्रर्दशनीमा राखिएको थियो ।
कृषि प्रर्दशनी मेला कार्यक्रममा बेलका नगरपालिका नगर प्रमुख अशोक कार्कीको प्रमुख आतिथ्यतामा र वडा नम्बर ५ का वडा अध्यक्ष दिपकराज रेग्मीको अध्यक्षतामा कार्यक्रम भएको हो ।
उक्त कार्यक्रममा बेलका नगरपालिकाका वडा नम्बर १का अध्यक्ष दिनेश चौधरी, वडा नम्बर ४ का वडा अध्यक्ष तिर्थराज अधिकारी,
वडा सदस्यहरु उदयपुर कृषि ज्ञान केन्द्रका प्रमुख तथा प्रतिनिधिहरु लगायतको उपस्थिति रहेको थियो ।
