२२ असोज – बेलका। सहयोगी बचत तथा ऋण सहकारी संस्था लि. को १५औं वार्षिक उत्सव एवं शुभकामना आदानप्रदान कार्यक्रम सम्पन्न भएको छ। बेलका नगरपालिका ९ रामपुर स्थित संस्थाकै भवनको सभाहलमा उक्त कार्यक्रम आज सम्पन्न भएको हो।
सहयोगी साकोसले १५औं वार्षिक उत्सवको अवसरमा केही बिद्यालयलाई सिलिङ फेन र दराज समेत वितरण गरेको थियो। कार्यक्रममा बेलका नगर प्रमुख अशोक कार्की, वडा अध्यक्षहरु, विभिन्न सहकारी संस्थाका प्रमुख/प्रतिनिधिहरु, उद्योग वाणिज्य संघका अध्यक्ष, सुरक्षा निकाय, शेयर सदस्य, कर्मचारी लगायतको उपस्थिति रहेको थियो। संस्थाका अध्यक्ष गणेश बस्नेतले सहयोगी साकोसको गतिविधि तथा प्रगति विवरण सहित शुभकामना व्यक्त गर्नु भएको थियो। अन्य प्रमुख अतिथि तथा अतिथिहरुले एक अर्कामा शुभकामना आदानप्रदान गर्नु भएको थियो।
