३० चैत्र २०७९ – बेलका । न्यु स्टार डान्स स्टुडियो बेल्टारको आयोजनामा एक दिने वर्कशप(नृत्य प्रशिक्षण) कार्यक्रम सम्पन्न भएको छ। न्यु स्टार डान्स स्टुडियो बेल्टार, उदयपुरद्वारा आयोजित द सिङ्गल उदयपुर डान्स च्याम्पमा सहभागीहरुको लागि बेल्टारको सिटि हलमा उक्त वर्कशप (नृत्य प्रशिक्षण) कार्यक्रम आज सम्पन्न हो।
उदयपुर जिल्लाको बेलका नगरपालिका, चौदण्डीगढी नगरपालिका, त्रियुगा नगरपालिका, लगायत अन्य विभिन्न पालिकाबाट अडिसन राउन्डबाट छनोट भएका करिब १४० जना मध्य ९० जना आजको वर्कशपमा सहभागी रहेको थियो। वर्कशप(नृत्य प्रशिक्षण) मा दमक, झापाका कल्चर बिधामा स्वागत राई र हिपहप बिधामा सुमन राई ले प्रशिक्षण दिनु भएको छ।
प्रतिस्पर्धात्मक कार्यक्रममा सहभागीहरुलाई सहज, सजिलो र नृत्यको लागि केहि थप ज्ञान होस भन्ने उद्देश्यले वर्कशपको आयोजना गरेको आयोजकले बताउनु भएको छ।
मेघा राउन्ड बैशाख १६ गते शनिबार बिहानको ८ बजेबाट बेल्टारको सिटि हलमा कार्यक्रम हुने न्यु स्टार डान्स स्टुडियो बेल्टार कि प्रोप्राइटर एवं कोरियोग्राफर कौशिला राई ले जानकारी दिनु भएको छ।
