जयराम पुर्वछाने-
बराहक्षेत्र ,मॅाघ१३। समुदायको क्षमता बिकास र सामुदायिक वनमा जलवायु उत्थानशील दिगो वन व्यवस्थापनबारे अन्तरक्रिया गोष्ठी र जलवायु उत्थानशील भू–उपयोग योजनाहरू तर्जुमा गर्ने उद्देश्यकासाथ सञ्चालित दुई दिने गोष्ठी सम्पन्न भएको छ ।
गोष्ठी सुनसरीको बराहक्षेत्र नगरपालिका २-पुनरबास स्थित आदर्स सामुदायिक वन र कौशिका सामुदायिक वनका समितिका पदाधिकारी र उपभोक्ताको सहभागितामा सम्पन्न भएको छ ।
गोष्ठीमा आदर्स र कोशिका सामुदायिक वन समितिका अध्यक्ष टेकमाया पाण्डेले र डिक ब.श्रेष्ठ चुरे संरक्षण वन समिति लगाएत सबैको प्रमुख दायित्व रहेको र सामुदायिक वन दिगो व्यवस्थापन र वन संरक्षण प्रति सबै एकाव्द्द हुन अति आवश्यक रहेको ,जानकारी दिदै आफुहरु यस कार्यमा कठीवद्द रही काम गर्ने भनि बताए ।
गोष्ठीमा सामुदायिक वन उपभोक्ता समितिका पदाधिकारी तथा सदस्यहरूको सहभागिता रहेको थियो । स्थानीय समुदायमा आधारित संघ सस्थाहरुको क्षमता विकासको लागि गोष्ठीहरु आयोजना गरिएको हो ।
चुरे उत्थानशील आयोजना प्रदेश व्यवस्थापन इकाइ, १ नं. प्रदेश इटहरीको आयोजनामा सम्पन्न गोष्ठीमा आयोजनाका स्रोत व्यक्तिहरु अमर श्रेष्ठ र रेनुका कार्की र रुबिना थापा ले सहजीकरण गरेको थियो ।
सचिव अमर कटुवालले वन संरक्षण र दिगो व्यवस्थानप मा गोष्ठी उपयोगी हुने धारणा व्यक्त गरे । दुईदिने गोष्ठीमा सहभागिको तर्फवाट महिलामा टीकामाया थापा र पुरुषमा जितेन्द्र राईले २ दिने तालिमले आफुमा चुरेको महत्व र आवश्यतालाई छर्लङग पारेको बताए ।
आदर्स सामुदायिक वनमा ५३८ घरधुरी रहेका छन् भने २०२.७१हेक्टर र कौशिका सामुदायिक वनमा ७२० घरधुरी रहेको छन भने २९० हेक्टर क्षेत्रफलमा फैलिएको वन रहेको छ । सामुदायिक वनलाई पट्नालि खोलाले बर्सेनि पिरोल्ने साथै वन्यजन्तु ( हात्ती् बादर ) को अति समस्या रहेको छ
गत वर्ष चुरे उत्थानशिल आयोजनाको सहयोगमा केहि क्षेत्र झाडि सफाई कार्य गरिसकेको आदर्सका सचिव अमर कटुवाल बताउछन् ।
आयोजना द्रारा अन्य सामुदायिक वनहरुमा पनि यस्ता गोष्ठी सन्चानल हुने गरेकाे छ।
