२८ मंसिर, बेलका / उदयपुरको बेलका नगरपालिकामा नेपाल पूर्व प्रहरी संगठन बेलका नगर कार्य समितिको प्रथम नगर अधिवेशन एक कार्यक्रमका बीच सम्पन्न भएको छ। बाबुराम थापाको अध्यक्षतामा सम्पन्न अधिवेशनको उद्घाटन बेलका नगरपालिकाका नगरप्रमुख अशोक कार्कीले पानसमा बत्ती बालेर गर्नुभयो।
कार्यक्रममा विशेष अतिथिका रूपमा संगठनका केन्द्रीय सदस्य नेत्र बढुवाल, प्रदेश प्रमुख रत्न भण्डारी, प्रदेश वरिष्ठ उपाध्यक्ष जुद्ध लोहोनी तथा जिल्ला प्रमुख डोरनाथ ढकाललगायतको उपस्थिति रहेको थियो।
अधिवेशनबाट नयाँ नगर कार्य समिति चयन गरिएको छ। जसअनुसार अध्यक्षमा बाबुराम थापा, उपाध्यक्षमा गंगा बहादुर खड्का, सचिवमा गोपाल भट्टराई, कोषाध्यक्षमा पदम बहादुर कार्की चयन हुनुभएको छ। सदस्यहरूमा टेक नारायण श्रेष्ठ, नुनुराम चौधरी, लोक बहादुर खड्का, जित बहादुर खड्का, ज्ञान बहादुर खड्का, हरि बहादुर पौडेल, विजय चौधरी र गंगा तामाङ रहनुभएको छ।
