बैशाख ५, बेलका । उदयपुर जिल्ला बेलका नगरपालिका वडा नम्बर ७ मा भुमी समस्या समाधान सम्बन्धी महत्वपूर्ण छलफल कार्यक्रम सम्पन्न भएको छ। छलफलको अध्यक्षता वडा अध्यक्ष निकेस राईले गर्नुभयो भने प्रमुख अतिथि नगर प्रमुख अशोक कार्की रहनुभएको थियो।
कार्यक्रममा विभिन्न प्रस्तावहरू जग्गा नापजाँच, मिति निर्धारण, कर्मचारी व्यवस्थापन तथा सहजीकरण समितिका पदाधिकारीहरूको जिम्मेवारी सम्बन्धमा विस्तृत छलफल भएको थियो। यसै क्रममा, नक्सा तयार गर्ने, नम्बरि जग्गाको व्यवस्थापन, मालपोतसम्बन्धी प्रक्रिया लगायतका विषयमा समेत गम्भीर बहस भएको थियो।
नगर प्रमुख कार्कीले कार्यक्रम लाई सम्बोधन गर्ने क्रममा बेलका नगरमा भुमिहिन दलित, भुमिहिन सुकुमबासी र अब्यवस्थित बसोबासी गरी लगभग बाह्र हजारको सँख्यामा फाराम भरिएको स्मरण गराउदै भुमिहिन दलित र भुमिहिन सुकुमबासी लाई २०८२ साल भित्र र अब्यवस्थित बसोबासी सहित सबै लाई २०८३ साल भित्रमा पुर्जा बितरण गरीने बताउनुभयो ।
कार्यक्रम बैशाख २० गते वडा नं ७ को दुधकोशी संस्था देखी औपचारिक रूपमा उदघाटन गरी सुरु गरिने अध्यक्ष निकेस राईले बताउनु भयो ।
छलफल कार्यक्रममा वडा सचिव वीरबहादुर राई, सदस्यहरू मंगलसिंह तामाङ, तवल माया राई, टेकबहादुर कार्की तथा बेलका नगर भूमिशाखा प्रमुख मनिषा राई,बेलका नगर युवा तथा खेलकुद बिकास समितिका अध्यक्ष गोपिलाल राई,विभिन्न संघसंस्थाका प्रतिनिधिहरू, सुरक्षाकर्मी,पत्रकार,सरोकारवाला निकायका व्यक्ति तथा स्थानिय बासिन्दाहरूको उल्लेखनीय उपस्थिति रहेको थियो।
