सहयोगी बचत तथा ऋण सहकारी संस्था लि. को आयोजना र रक्त संचार केन्द्र धरान घोपाको प्राबिधिक सहयोगमा एक दिवसीय खुल्ला रक्तदान कार्यक्रम सम्पन्न भएको छ। ६८औं राष्ट्रिय सहकारी दिवसको अवसरमा बेलका नगरपालिका ९ रामपुरमा रक्तदान कार्यक्रम आज सम्पन्न भएको हो।
रक्तदान कार्यक्रममा १५४ जनाले रक्तदान गरेको सहकारीका कोषाध्यक्ष एवं रक्तदान कार्यक्रमका संयोजक मोहन प्रसाद घिमिरेले बताउनु भयो। प्रत्येक वर्ष राष्ट्रिय सहकारी दिवसको अवसरमा खुल्ला रक्तदान कार्यक्रम संचालन गर्दै आएको र आउने वर्षमा पनि यसलाई निरन्तरता दिने सहकारीका अध्यक्ष गणेश बस्नेतले बताउनु भयो।
रक्तदान कार्यक्रम संगै ५० हजार भन्दा बढी औषधि उपचारमा खर्च गर्ने सहयोगी बचत तथा ऋण सहकारी संस्था लि. का ५ जना सदस्यहरुलाई जनही रु.५०००/- को दरले राहत पनि वितरण गरेको थियो।
रक्तदान कार्यक्रमलाई बेलका नगरपालिका वडा नं. ४, ५, ८, ९ त्यसैगरी चन्द्रमणी मण्डल, शुशिल बिक्रम थापा, सुसान्त खड्का, सन्तोष भट्टराई, बिरेन्द्र मेडिकल हल र सरस्वती डेन्टल केयर सेन्टर प्रा. लि. ले सहयोग गरेको सहकारीका व्यवस्थापक तेज बहादुर खड्काले बताउनु भयो।
