मंसिर २२, बेलका । बेलका नगरपालिका–१, आम्बासीमा सहयोगी युवा हातहरु द्वारा आयोजित तथा ह्याप्पी क्लब सह–आयोजक रहने गरी ‘प्रथम आम्बासी मिनी महोत्सव–२०८२’ आज एक कार्यक्रम गरी औपचारिक रुपमा उदघाटन भएको छ। आयोजक समितिका अध्यक्ष टिकाराज तामाङको अध्यक्षतामा भएको कार्यक्रममा प्रमुख अतिथि बेलका नगरपालिका वडा नं १ का वडाध्यक्ष दिनेश्वर प्रसाद चौधरीले एक जोडी परेवा उडाउदै ब्यानर पढेर उदघाटन गर्नुभयो।
आयोजकका अनुसार महोत्सवले स्थानीय कला,संस्कृतिको संरक्षण, युवा सक्रियता तथा सामुदायिक एकता मजबुत साथै आफ्नो स्थानिय ठाउको पहिचान दिन योगदान गर्ने उद्देश्य राखिएको छ। स्थानीय संघ–संस्थाहरू, क्लब तथा समुदायको सहभागितामा आयोजना हुन लागेको यो कार्यक्रमले स्थानिय पर्यटनका लागी आम्बासी विशेष आकर्षणको केन्द्र बन्ने अपेक्षा गरिएको छ।
कार्यक्रममा राई ईज किङ (राजेसपायल राई) सुगम पोखरेल,शिव परियार,अनु चौधरी, तिर्सना गुरुङ,हास्य कलाकार विल्सन बिक्रम राई,एलिना चौहान,उर्गेन दोङ,सन्नु कुमार,रचना रिमाल रहने छन भने अझ मेलाको थप आकर्षणको रुपमा ISTRI’S BAND लगायत स्थानिय तथा राष्ट्रिय,अन्तराष्ट्रिय रुपमा ख्याती प्राप्त लोकप्रिय कलाकारहरूको प्रस्तुति रहने आयोजकले जनाएकोछ।आज बाट सुरुभएको महोत्सब २१ दिन सम्म चल्ने आयोजक समितिका अध्यक्ष टिकाराज तामाङले बताउनुभयो।
