अजम्बर पुलामी
२ जेष्ठ, बेलका / उदयपुरको बेलका नगरपालिका-९ रामपुर बजारस्थित रामपुर फ्रेस मिट सपले आफ्नो कर्मचारी मेरि राईलाई सम्मानसहित बिदाइ गरेको छ।
बेलका रिभर्स बिर्च रिसोर्टमा आयोजित कार्यक्रममा बेलका-९ का वडा अध्यक्ष भरत घिमिरे र रामपुर फ्रेस मिटका सञ्चालक देवराज किरातीले संयुक्त रूपमा सम्मानपत्र प्रदान गरेका थिए।
वडा अध्यक्ष घिमिरेले रामपुर फ्रेस मिट सपले बेलका तथा आसपासका क्षेत्रमा स्वच्छ र ताजा मासु उपलब्ध गराउँदै आएको भन्दै प्रशंसा गरे। उनले “नाम नै फ्रेस भएपछि मासु पनि सफा र ताजा हुन्छ” भन्दै स्थानीय होटलहरूमा समेत रामपुर फ्रेस मिटकै मासु प्रयोग हुने बताए।
वैदेशिक रोजगारीका लागि विदेश जान लागेकी मेरि राईले छोटो समयमै ग्राहकहरूको मन जित्न सफल भएको उल्लेख गर्दै आगामी यात्रा सफल रहोस् भन्ने शुभकामना पनि व्यक्त गरे।
कार्यक्रममा बोल्दै घिमिरेले “रामपुर फ्रेस मिट एउटा गैडा सिमेन्टजस्तै स्थापित ब्रान्ड हो, यसको धेरै चर्चा गरिरहनुपर्दैन” भन्ने धारणा राखेका थिए।
सञ्चालक देवराज किराती व्यवसायसँगै सामाजिक उत्तरदायित्वमा पनि सक्रिय रहँदै आएको र कर्मचारीहरूको सम्मानमा यस्ता कार्यक्रम विगतदेखिनै गर्दै आएको किरातीले बताए ।
