चैत्र २६, बेलका । उदयपुर जिल्लाको बेलका नगरपालिका २, भागलपुरमा रहेको सप्तकौशीका माध्यमिक विद्यालयको पूर्वप्रधानाध्यापक स्वर्गीय दिलीप चौधरीको नाममा ८ लाख ७९ हजार ८ सय १५ रुपैंया हिनामिना भएको गम्भिर आरोप लागेको छ।
आर्थिक वर्ष ०७९/०८० को सामाजिक लेखा परीक्षण गर्दा ६ लाख ५३ हजार २ सय ८८ रुपैयाँको कुनैपनि बिल र भरपाई बिना प्रधानाध्यापकको जिम्मा’ भनेर उल्लेख गरिएको पाईएको छ।
त्यसपश्चात आर्थिक वर्ष ८०/८१ र ८१/८२ को सामाजिक लेखा परीक्षण र अडिट नगरी नै पूर्व प्रधानाध्यापक चौधरीको असामयीक निधन भएको थियो।
सो विद्यालयमा नव प्रधानाध्यापक ध्रुव तामाङको नियुक्ति भएपछि एकैपटक दुई आर्थिक वर्षको सामाजिक लेखा परीक्षण गरिँदा कुनै खर्च शीर्षक तथा बिल,भरपाई बिनानै पुनः २ लाख २६ हजार ५ सय २७ रुपैयाँको हिसाब नदेखिएपछि सो रकमलाई समेत ‘प्र अ जिम्मा’ भनेर देखाईएको छ।
सो हिनामिना रकमको खुलाशा भए पश्चात प्रधानाध्यापक तथा विद्यालय व्यवस्थापन समितिबीच भएको चरम लापरवाहीको पराकाष्टा बाहिरीएको हो।
यस्तो गैर जिम्मेवार गतिविधि बाहिरिएपछि अविभावकहरुको सो विद्यालयप्रति शैक्षिक गुणस्तर, व्यवस्थापनं र विश्वसनीयता माथी प्रश्न खडा भएको छ।
