अजम्बर पुलामी-
२० माघ, बेलका / उदयपुरको बेलका नगरपालिकामा शान्ति सुरक्षा, अपराध नियन्त्रण तथा सेवा प्रवाहसम्बन्धी सचेतनामूलक कार्यक्रम सम्पन्न भएको छ।
जिल्ला प्रशासन कार्यालय उदयपुरको आयोजना तथा बेलका नगरपालिकाको सहकार्यमा आयोजित कार्यक्रम बेलका नगरपालिकाको सभा हलमा सम्पन्न भएको हो।
कार्यक्रममा प्रमुख जिल्ला अधिकारी धर्मराज जोशीको अध्यक्षता तथा बेलका नगरपालिकाका नगर प्रमुख अशोक कार्कीको प्रमुख आतिथ्य रहेको थियो।
कार्यक्रममा स्थानीय तहमा शान्ति सुरक्षा सुदृढीकरण, अपराध नियन्त्रणका उपाय तथा नागरिक सेवा प्रवाहलाई प्रभावकारी बनाउने विषयमा छलफल गरिएको थियो।
सचेतनामूलक कार्यक्रममा पशुपति प्रसाद गण बोक्सेका प्रमुख सेनानी मनोज कार्की, जिल्ला कार्यालय उदयपुरका प्रमुख राजन चापागाई, जिल्ला प्रहरी सशस्त्र प्रहरी गण ५ नम्बर हेडक्वाटरका सशस्त्र प्रहरी उपरीक्षक श्याम मणी ढकाल, राष्ट्रिय अनुसन्धान कार्यालयका उप-अनुसन्धान निर्देशक तुलसी कट्टेल, बेलका नगरपालिकाका प्रमुख प्रशासकिय अधिकृत बिनोद भट्टराई, जिल्ला सुरक्षा समितिका पदाधिकारीहरू, स्थानीय जनप्रतिनिधि,बुद्दिजिबी,समाजसेवी लगायत स्थानीयवासीहरूको उपस्थिति रहेको थियो।
कार्यक्रमले स्थानीयस्तरमा शान्ति सुरक्षा मजबुत बनाउन सहयोग पुग्ने विश्वास व्यक्त गरिएको छ ।
