रमेश तिम्सिना-
माघ १८ बेलका, उदयपुर । बेलका तेक्वान्दो डोजाङको आयोजनामा “बेलका तेस्रो फ्रेन्ड सीप कप” सम्पन्न भएको छ। हिजो भएको उक्त प्रतियोगितामा बेलका नगरपालिका भित्र रहेका विभिन्न सेन्टरहरु बाट चार सय तेक्वान्दो खेलाडीहरुको सहभागिता रहेको थियो।
विभिन्न तौल समुहमा सम्पन्न भएको उक्त प्रतियोगितामा खेलाडीको प्रस्तुतिको आधारमा प्रथम, दितिय, तृतीय र सान्त्वना हुने खेलाडीलाई क्रमश मेडल, प्रमाणपत्र, तथा शिल्डको समेत ब्यवस्था गरिएको आयोजक बेलका तेक्वान्दो डोजाङक प्रमुख प्रदिप तिम्सिनाले जानकारी दिनु भयो।
कार्यक्रमको प्रमुख अतिथी बेलका नगरपालिकाका नगर प्रमुख अशोक कार्की रहनु भएको थियो भने विशेष अतिथि बेलका नगरका उप – प्रमुख जिरा राई, बेलका नगरपालिका वडा नम्बर ३ का वडा अध्यक्ष टंक प्रसाद आचार्य,वडा नम्बर ९ का वडा अध्यक्ष भरत घिमिरे, नगर युवा तथा खेलकुद बिकास समितीका अध्यक्ष गोपिलाल राई साथै राजनितिक दलका प्रतिनिधि, समाजसेवी, बुद्धिजिबि, र खेलप्रेमी महानुभाबहरुको बाक्लो उपस्थिती रहेको थियो।
उक्त प्रतियोगितामा रामपुर प्रथम,आम्बासी र पुरन्दह दोस्रो भएको थियो भने तेस्रो स्थान सप्तकोशिले उठाउन सफल भएको थियो। उक्त प्रतियोगितामा शुभकामना मन्तब्य राख्दै नगर खेलकुदका अध्यक्ष गोपिलाल राइले नगरले अहिले किशोर किशोरी आत्मरक्षा नगरपालिका भरिका १४ वटा सामुदायिक बिधायलमा भैरहेको र आउदा दिनमा यसलाइ अझ परिस्कृत गर्दै नगरले गर्न सक्ने सहयोग गर्ने बताउनु भयो।
