अजम्बर पुलामी-
३० कात्तिक, बेलका -९ रामपुरस्थित कुमारी बैंक लिमिटेड बेलका शाखाले आइतबार श्री जनता नमुना माध्यमिक विद्यालय, गुरुङ चौरीलाई १,००० लिटर क्षमताको हिल ट्याङ्की हस्तान्तरण गरेको छ।
विद्यालय व्यवस्थापन समितिका अध्यक्ष मनोज तामाङको अध्यक्षतामा सम्पन्न कार्यक्रममा कुमारी बैंक लिमिटेडका क्षेत्रीय प्रबन्धक निर्देशक मनिश श्रेष्ठ र रामपुर शाखा प्रमुख मनोहर पाठकसहितको टोलीले विद्यालयलाई हिल ट्याङ्की हस्तान्तरण गरेको हो।
कार्यक्रमका प्रमुख अतिथि वडा अध्यक्ष तिर्थराज अधिकारी रहेका थिए। सो अवसरमा विद्यालय व्यवस्थापन समिति सदस्य तथा बेलका नगर युवा खेलकुद समितिका अध्यक्ष गोपिलाल राई र विद्यालयका प्रधानाध्यापक सम्मर राईको उपस्थितिमा हिल ट्याङ्की हस्तान्तरण कार्य सम्पन्न गरिएको थियो।
स्वास्थ्य, शिक्षा र वातावरणमैत्री काममार्फत समुदाय विकासमा योगदान दिँदै आएको कुमारी बैंकले आगामी दिनमा पनि यस्ता सेवामूलक तथा प्रभावकारी कार्यहरु निरन्तर गर्दै जाने प्रतिबद्धता व्यक्त गरेको छ।
यसैगरी, सामाजिक उत्तरदायित्वअन्तर्गत गरिएको योगदानको कदरस्वरूप विद्यालयले कुमारी बैंक रामपुर शाखालाई सम्मानपत्र प्रदान गरेको छ।
