बेलका,कात्तिक २२ / हर्क साम्पाङ नेतृत्वको श्रम संस्कृति पार्टीले उदयपुरको बेलका नगरपालिका–८ मा वडा कमिटी गठन गरेको छ। जिल्ला संयोजक रविन तिलुङको उपस्थितिमा सम्पन्न भेलाले ५२ सदस्यीय कार्यसमिति चयन गरेको हो।
नवगठित समितिको संयोजकमा प्रशान्त राई र सह–संयोजकमा पुकार दाहाल चयन भएका छन्।
निर्वाचन आयोगमा दर्ता प्रक्रिया सम्पन्न भएपछि पार्टीले देशभर संगठन विस्तार अभियानलाई तीव्रता दिएको छ। हाल विभिन्न जिल्ला, नगरपालिका र वडास्तरमा संयोजक तथा सह–संयोजकसहितका समिति निर्माण कार्य जारी रहेको पार्टीले जनाएको छ।
उदयपुर जिल्लामा समेत रविन तिलुङलाई जिल्ला संयोजक बनाउने तयारी भइरहेको र यसलाई चाँडै आधिकारिकता दिई नेतृत्व चयन गरिने तयारी पार्टी स्रोतले जनाएको छ।
