१७ मंसिर,बेलका। सप्तरीको डाक्नेश्वरी नगरपालिका–४ मा पनि जनता समाजवादी पार्टी, नेपालले जित हात पारेको छ ।
आइतबार भएको उपनिर्वाचनको अन्तिम मतपरिणाम अनुसार डाक्नेश्वरी–४ को अध्यक्षमा जसपा, नेपालका धिरेन्द्र कुमार साह निर्वाचित भएका छन् ।
उनी ६ सय ५२ मतसहित निर्वाचित भएको निर्वाचन आयोगले जनाएको छ ।
आयोगका अनुसार नेपाली कांग्रेसका भूलिया देवी थरुनीले ५ सय ८७ मत प्राप्त गरेकी छिन् । त्यस्तै, नेकपा एमालेकी भगवानी साहले २ सय ६५ मत प्राप्त गरेकी छिन् ।
यसअघि यही नगरपालिकाको वडा नम्बर ४ मा पनि जसपाकै देवेन्द्र प्रसाद यादव निर्वाचित भएका थिए ।
