२ साउन २०८१ – बेलका। बेलका नगरपालिकामा चोरीको घटनाहरु दिनप्रतिदिन घटिरहेको छ। स्थानीय तथा पीडितहरुले बारम्बार गुनासो गरे पनि अझै बेलकामा चोरीको घटनाहरु भने घट्न छोडेको छैन, बरु बढ्दो छ।
चोरीको विभिन्न घटनाहरु घटिरहेको बेला बेलका ९ कामना टोल बिकास स्थित सुकृम दाहालको घरमा पनि चोरी भएको निजले बताएको छ। गत असार ३० गते उक्त चोरीको घटना भएको हो।
निजका अनुसार नगद रकम, गरगहना, मोबाईल र केही लत्ताकपडा चोरी भएको हो। घटनालाई छानबिन गर्न तथा चोरी पत्ता लगाउन ईलाका प्रहरी कार्यलय रामपुर ठोक्सिलालाई गुहारे पनि अहिलेसम्म कुनै प्रतिक्रिया नआएको पीडितको भनाई छ।
बेलकामा चोरीको घटना नौलो भने होइन। यहाँ प्राय जसो चोरीको घटनाहरु घटिनै रहेको छ। स्थानीय तथा पीडितहरुले यस बिषयमा बारम्बार गुनासोहरु राख्दै आइरहेका छन यद्यपि आझै पनि सम्बन्धित निकायको ध्यान पुगेको छैन भनेर स्थानीय तथा पीडितको गुनासो छ।
