७ फागुन, बेलका / पाँचौ मेयर कप फुटबल प्रतियोगिताको फाइनल खेलको पूर्वसन्ध्यामा बेलका भेट्रान र मधेली भेट्रानबीच मैत्रीपूर्ण खेल सम्पन्न भएको छ ।
बेलका-६ स्थित लेकाली रंगशाला खेलमैदानमा भएको उक्त खेलमा बेलका भेट्रानले मधेली भेट्रानलाई ६-१ गोलअन्तरले पराजित गरेको हो । खेलभरि बेलका भेट्रानले उत्कृष्ट प्रदर्शन गर्दै स्पष्ट जित हात पारेको थियो ।
खेल अघि आयोजित कार्यक्रममा बेलका नगर युवा तथा खेलकुद विकास समितिका अध्यक्ष गोपिला राई, बेलका भेट्रानका अध्यक्ष सुरज चौधरी तथा कोषाध्यक्ष भक्त खालिङ्गले संयुक्त रूपमा मधेली भेट्रानका खेलाडीहरूलाई सम्मान गरेका थिए ।
