अजम्बर पुलामी –
२४ कात्तिक, बेलका / बेलका नगरपालिकाले आधारभूत तहका (कक्षा १ देखि ५) शिक्षकहरूको शैक्षिक दक्षता र व्यवहारिक सीप अभिवृद्धिका लागि आयोजना गरेको पाँचदिने क्षमता विकास तालिम सम्पन्न भएको छ।
“सबल आर्थिक, सामाजिक र भौतिक पूर्वाधार बेलका नगर विकासको प्रमुख आधार” भन्ने मूल नारासहित मंसिर २० गतेदेखि २४ गतेसम्म बेलका नगरपालिकाको सभाहल, रामपुरमा तालिम सम्पन्न भएको हो।
तालिममा नगर क्षेत्रभित्रका सामुदायिक विद्यालयका शिक्षकहरूको सहभागिता रही शिक्षण विधि, बालमैत्री कक्षा सञ्चालन, सिकाइ सुधारका उपाय र आधारभूत शिक्षण सीपका विभिन्न पक्षमा प्रशिक्षण प्रदान गरिएको थियो।
कार्यक्रममा बेलका नगरपालिकाका शिक्षा शाखा प्रमुख, विद्यालयका प्रधानाध्यापक, प्रशिक्षक तथा शिक्षकहरूको उपस्थिति रहेको थियो।
