१४ भदौ, बेलका ।“भाषा, धर्म, लिपि र संस्कृतिः हाम्रो पहिचान, किरात राईहरूको एकता हाम्रो अभियान” भन्ने मूल नारासहित हिजो किरात राई यायोक्खा शाखा कतारले आफ्नो २२औँ स्थापना दिवस दोहामा भव्य रूपमा सम्पन्न गरेको छ।
वेलफेयर रेस्टुरेन्ट सभाहल, प्लाजा मलमा आयोजित “शुभकामना आदानप्रदान तथा विविध सांस्कृतिक कार्यक्रम २०२५” मा नेपाली समुदायका विभिन्न क्षेत्रका प्रतिनिधिहरूको उत्साहपूर्ण सहभागिता रहेको थियो।
कार्यक्रमको अध्यक्षता शाखाका कार्यवाहक अध्यक्ष लक्ष्मी प्रसाद राईले गर्नुभयो भने प्रमुख अतिथि नेपाल आदिवासी जनजाति महासंघ कतारका अध्यक्ष राकेश श्रेष्ठ हुनुहुन्थ्यो। कार्यक्रम लाई सम्बोधन गर्दै प्रमुख अतिथि श्रेष्ठले कतारस्थित नेपाली समुदायबीच एकता, संस्कृतिको संरक्षण र सामाजिक सहकार्यका लागि यस्ता कार्यक्रमले महत्वपूर्ण योगदान पुर्याउने बताउनुभयो। उहाँले नेपालीहरू जहाँ रहे पनि आफ्नो भाषा, लिपि र संस्कृतिलाई जीवन्त राख्नुपर्नेमा जोड दिनुभयो।
कार्यक्रममा आमन्तृत अतिथि नेपाल आदिबासि जनजाति महासंघ कतारका पुर्व अध्यक्ष तथा सल्लाहकारहरु,मातृ सँस्थाका अध्यक्षहरु र सस्थाका पुर्व अध्यक्ष तथा सल्लाहकारहरुले समेत शुभकामना मन्तब्य राख्नु भएको थियो। यहीं अवशरमा विविध सांस्कृतिक प्रस्तुतीहरू प्रस्तुत गरिएका थिए भने प्रस्तुतिमा सहभागी ८२ जना कलाकारलाई कदरपत्र र प्रशंसा पत्रद्वारा सम्मान गरिएको आयोजकले जानकारी दिएको छ।
कार्यवाहक महा-सचिब शुक्र कुमार राई (सुबास) ले सन्चालन गर्नुभएको कार्यक्रममा स्वागत मन्तव्य सह–कोषाध्यक्ष सुजन राईले राख्नुभयो भने सचिवालय सदस्य लिला राईले संस्थाको इतिहास र कार्यक्रमको महत्वबारे प्रकाश पार्नुभएको थियो।
कार्यक्रमको समापन गर्दै सभाध्यक्ष लक्ष्मी प्रसाद राईले सहभागी सबैलाई धन्यवाद ज्ञापन गर्दै कतारस्थित नेपाली समुदायबीच एकता, सद्भाव र सांस्कृतिक आदानप्रदानलाई अझ मजबुत बनाउन संस्थाले निरन्तर योगदान दिने प्रतिवद्धता व्यक्त गर्नुभयो।
