१६ माघ – बेलका। प्रथम सुर्योदय कप अन्तर निजि बिद्यालय स्तरीय क्रिकेट प्रतियोगिता २०८१ मा रामपुर पब्लिक एकेडेमी बिजय भएको छ। बेलका ६ बुद्ध चोक खेल मैदानमा आज भएको फाइनल खेलमा युनिक शिशु सदनलाई पराजित गर्दै रामपुर पब्लिक बिजय भएको हो।
बिजेता रामपुर पब्लिक एकेडेमीलाई नगद ५ हजार र उप बिजेता युनिक शिशु सदनलाई २५ सय सहित ट्रफी, मेडल र प्रमाणपत्रले अतिथि एवं आयोजक गौरिसुर्योदय इङलिस बोर्डिङ स्कुलले पुरस्कृत गर्नु भयो। प्रतियोगितामा उत्कृष्ट खेलाडी रामपुर पब्लिकका पारस बि.क. घोषित भए भने उत्कृष्ट बलर युनिक शिशु सदनका रिनेम आचार्य घोषित भए।
माघ १५ र १६ गते दुई दिन संचालन भएको उक्त प्रतियोगितामा बेलका नगरपालिकाका बाल बिद्या, नर्थ स्टार, मर्निङ ग्लोरी, हिमशिखर, रामपुर पब्लिक, युनिक शिशु सदन र आयोजक गौरिसुर्योदय इङलिस बोर्डिङ स्कुल गरि ७ वटा निजि बिद्यालयहरुको सहभागीता रहेको थियो।
बेलका नगरपालिकामा ठुलो उमेरको मात्रै जहाँ पनि जहिले पनि खेलकुद प्रतियोगिताको आयोजना हुँदै आएकोले साना उमेरको लागि खेलकुदको आयोजना गरेको गौरिसुर्योदयका प्रीन्सिपल गंगा श्रेष्ठले बताउनु भयो। भबिस्यमा खेलाडी उत्पादन गर्नको लागि साना उमेरका खेलाडीहरुलाई हौसला दिन र यस्ता खालका प्रतियोगिताको आयोजना गर्न आवस्यक रहेको पनि प्रीन्सिपल श्रेष्ठले बताउनु भयो।
