योङ्ग बोइज युवा क्लबको आयोजनामा बेलका ३ किराँत चौक खेलमैदानमा प्रथम किराँत चोक कप फुटबल प्रतियोगिता २०८० को आज उद्घाटन भएको छ। बेलका नगर युवा तथा खेलकुद बिकास समितिका अध्यक्ष गोपिलाल राई ले आज एक औपचारिक कार्यक्रम बिच उद्घाटन गरेको हो।
आज भएको उद्घाटन खेलमा भचुवा फुटबल क्लबलाई टाइब्रेकरमा हराउदै सुनाखरी युवा क्लब लालबजार सेमिफाइनल प्रवेश गरेको छ। निर्धारित समयावधिमा १ – १ गोल अर्थात बराबरी भएपछि अन्तिम नतिजाको लागि टाइब्रेकर(पेनाल्टी शुट आउट) द्वारा खेल अगाडि बढाइएको थियो। आजको खेलको म्यान अफ द म्याच सुनाखरी युवा क्लबका सुसान्त पाण्डे घोषित भएका थिए।
योङ्ग बोइज क्लबका अध्यक्ष अनोद सुदन राई को अध्यक्षतामा उद्घाटन भएको कार्यक्रममा प्रमुख अतिथि बेलका नगर युवा तथा खेलकुद बिकास समितिका अध्यक्ष गोपिलाल राई, अतिथिहरु सुरेन्द्र खालिङ राई, गोबिन्द कार्की, तेज बहादुर मगर, राजधन राई, जयराम मगर लगायतको उपस्थिति रहेको थियो।
“खेलकुद हो स्वास्थ्यको मुल, सहभागी भएर बनाऔं जीवन अनुकुल” भन्ने मुल नाराका साथ आयोजित यस फुटबल प्रतियोगितामा बेलकाको ८ टिम सहभागी रहेका छन। प्रतियोगितामा प्रथम र दोस्रो हुने टिमलाई क्रमश २० हजार, १० हजार, साथमा ट्रफी, मेडल र प्रमाणपत्र द्वारा पुरस्कृत गरिने आयोजकका अध्यक्ष अनोद सुदन राई ले बताए।
रेडियो बेलका एफ.एम. कि कार्यक्रम संचालिका कविता राई(मिकि) ले कार्यक्रम संचालन गरेकी थिइन भने स्वस्तिका राई ले स्वागत मन्तव्य राखेकी थिइन।
