९ जेठ २०८० – बेलका । बेलका नगरपालिकामा सर्वपक्षीय बैठक बेसेको छ। बेलका नगरपालिका वडा नं. ४ लालबजारमा गत जेठ ५ गते भएको दुर्घटना र त्यस बाट श्रृजना भएको घटना र परिस्थिति का विभिन्न बिषयमा बेलका नगरपालिका नगर प्रमुख अशोक कार्कीको अध्यक्षतामा बसेको सर्वपक्षिय बैठकमा बेलका नगरपालिकाका बिभिन्न पार्टीका प्रतिनिधि, जनप्रतिनिधि, सुरक्षा निकाय लगायत अन्य बुद्धिजीवीहरुको उपस्थितिमा यस्ता दुर्घटना र घटनाहरु पुनः नदोहोरिऊन भन्ने उद्देश्य का साथ तपशिल वमोजिम कार्य गर्ने गरि निर्णय समेत भएको छ।
१) मृतक बालिका एन्जिला राना मगर प्रति भावपूर्ण श्रद्धांजलि अर्पण गर्दै शोकाकुल परिवारजन प्रति हार्दिक समवेदना प्रकट गर्ने ।
२) राजमार्ग को क्षेत्र र त्यसका आसपास कुनै पनि भिडभाड हुने खालका कृयाकलाप तथा कार्यक्रम गर्न र गराउन निषेध गर्ने।
३) ओभर लोड गरिएका ट्रिपर तथा ओभर स्पिड लाई कन्ट्रोल गर्ने।
४) निजी जग्गाको पुर्व वातावरणीय परिक्षण ( IEE ) गराएर नियम संगत ढुङ्गा उत्खनन गर्न अनुमति लिएकाहरु बाट अनुमती प्राप्त क्षेत्र भन्दा बाहिर हुन सक्ने उत्खनन का कारण जन समुदाय मा आउन सक्ने सम्भावित वितृष्णा लाई मध्यनजर गर्दै त्यस्ता खाले गैरकानूनी गतिविधि लाई रोक्न अनुगमन लाई चुस्त बनाउने।
५) राजमार्ग क्षेत्रमा राखिएका CCTV क्यामेरा लाई प्रभावकारी बनाउने।
६) राजमार्ग वरपरका क्षेत्रमा हुन सक्ने सम्भावित दुर्घटना, घटना र परिस्थिति बाट श्रृजना हुने अराजक गतिविधि हरुलाई निरुत्साहित गर्न जन समुदायमा जनचेतना मुलक कार्यक्रम गर्ने।
स्रोत:-बेलका नगरपालिका नगर प्रमुखको सचिवालय
