बैशाख २८, बेलका । उदयपुर जिल्लाको बेलका नगरपालिका अन्तर्गत रहेको जनता नमुना माध्यमिक विद्यालय गुरुङचौरीमा बाल हिंसा, यौन दुर्व्यवहार तथा सर्पदंश सम्बन्धी सचेतनामूलक अभिमुखिकरण कार्यक्रम सम्पन्न भएको छ ।
कार्यक्रममा ईलाका प्रहरी कार्यालय रामपुरका प्रहरी सहायक निरिक्षक टेक बहादुर राई ले विद्यार्थीहरुलाई बाल हिंसा तथा यौन दुर्व्यवहारका विभिन्न पक्ष, त्यसबाट बच्ने उपाय तथा कानुनी व्यवस्थाबारे जानकारी गराउनुभएको थियो ।
त्यसैगरी पशुपति प्रसाद गण बाट मेजर सन्दिप कार्की को नेतृत्वमा सर्पदंश सम्बन्धी अभिमुखिकरण कार्यक्रम सञ्चालन गरिएको थियो । कार्यक्रममा सर्पदंशबाट बच्ने उपाय, प्राथमिक उपचार तथा आपतकालीन अवस्थामा अपनाउनुपर्ने सावधानीबारे जानकारी दिइएको विद्यालय प्रशासनले बताएको छ ।
यसै क्रममा विद्यालय परिवारले कार्यक्रम सफलतापूर्वक सम्पन्न गरिदिएकोमा इलाका प्रहरी कार्यालय रामपुर र पशुपति प्रसाद गण पिपलटार प्रति हार्दिक कृतज्ञता व्यक्त गरेको छ ।
