चैत ४, बेलका । उदयपुर जिल्लाको बेलका नगरपालिकामा गुडीरहेको स्कुल बसबाट खस्दा एक बालकको ज्यान गएको छ।
बुधबार बेलुका करिब ४ बजेर ४० मिनेट जाँदा बेलका नगरपालिका–४ हरिपुर शिसवारी स्थित भित्री सडक खण्डमा उक्त दुर्घटना भएको हो। जहडाबाट हरिपुरतर्फ जाँदै गरेको को १ ख ३५१६ नम्बरको बेलका आदर्स शिशु सदन बोर्डिङ स्कुलको बसबाट सोही विद्यालयमा अध्ययनरत ९ वर्षीय सफल बस्नेत अचानक खसेका थिए।
बसबाट खसेपछि उनको घटनास्थलमै मृत्यु भएको प्रहरीले जनाएको छ। मृतक सफल बस्नेत स्थानीय कृष्ण बस्नेतका छोरा हुन।
घटनाको जानकारी पाउन साथ इलाका प्रहरी कार्यालय रामपुर ठोक्सिलाबाट प्रहरी टोली खटिएको थियो। आवश्यक कानुनी प्रक्रिया पूरा गरी शव पोस्टमार्टमका लागि धरानस्थित बी.पी. कोइराला स्वास्थ्य विज्ञान प्रतिष्ठान पठाइएको छ।
बस चालक ३४ वर्षीय प्रेम तामाङलाई नियन्त्रणमा लिएर घटना सम्बन्धी थप अनुसन्धान भइरहेको प्रहरीले जनाएको छ।
