उदयपुर, दोस्रो रङ्गटोली गोल्ड कप २०८२ अन्तर्गत आज सम्पन्न प्रतिस्पर्धात्मक खेलमा ब्रदरहुड एफसी उदयपुर ले कोशी प्रदेश प्रहरी टिम रानी क्लब विरुद्ध २–० गोल अन्तरको जित निकाल्दै सेमिफाइनलमा प्रवेश गरेको छ।
खेलको सुरुवाती समयदेखि नै आक्रामक प्रदर्शन गरेको ब्रदरहुड एफसीले ६औं मिनेटमै अग्रता लिएको थियो। सुदिप श्रेष्ठले फ्रि–किकमार्फत आकर्षक गोल गर्दै टोलीलाई सुरुवाती बढत दिलाए।
त्यसपछि खेलको २८औं मिनेटमा अमन लामाले दोस्रो गोल थप्दै टोलीको जित सुनिश्चित गरे। उत्कृष्ट प्रदर्शन गरेका सुदिप श्रेष्ठ ‘म्यान अफ द म्याच’ घोषित भए।
अब सेमिफाइनल खेल फाल्गुन ५ गते पट्नाली फुटबल क्लब धरान सँग हुने आयोजकले जनाएको छ।
ब्रदरहुड एफसी उदयपुरको शानदार जितसँगै समर्थकहरूमा उत्साह थपिएको छ।
