५ कार्तिक – बेलका। वाइ वाइ दोस्रो बेलका गोल्ड कप फुटबल प्रतियोगिता २०८१ अन्तर्गत आज सम्पन्न भएको खेलमा फेयर फुटबल क्लब धरान, सुनसरीलाई सुन्यको विरुद्ध ५ गोलको फराकिलो गोल अन्तरले पराजित गर्दै गाईघाट फुटबल क्लब, उदयपुर सेमिफाइनल प्रवेश गरेको छ।
गाईघाट फुटबल क्लबको तर्फबाट सुदिप श्रेष्ठ ले २ गोल, युवराज थापा, अर्जुन मगर र प्रताप राई ले एक-एक गोल गरेका हुन। आजको म्यान अफ दि म्याच सुदिप श्रेष्ठ घोषित भएका थिए। उनलाई नगद रु.२५००/- साथमा ट्रफी प्रदान गरि बेलका ४ का वडा अध्यक्ष तिर्थराज अधिकारीले सम्मान गर्नु भयो।
“बेलकाको सान, खेलकुद बिकासमा हातेमालो हाम्रो अभियान” भन्ने मुल नाराका साथ ब्रदरहुड फुटबल क्लबको आयोजनामा बेलका ६ रंगशालामा भइरहेको गोल्ड कपमा भोलि कार्तिक ६ गते मंगलबार दुधौली स्पोर्ट्स क्लब, सिन्धुली र राष्ट्रिय जागृति क्लब, इटहरी सुन्सरी बिच दिउँसो २:३० बजेबाट अन्तिम क्वाटर फाइनल खेल हुनेछ।
