नवराज सिग्देल –
खोटाङ, पुस ६ । खोटाङको बराहपोखरी गाउँपालिकामा खुल्ला अन्तर वडास्तरीय पुरुष फुटवल प्रतियोगिता सुरु भएको छ । आज पुस ६ गतेबाट बराहपोखरी गाउँपालिका ४ धर्तुङमा रहेको दुधपोखरी खेलमैदानमा उक्त प्रतियोगिता सुरु भएको हो । प्रतियोगितामा १४ वटा पुरुष टिमको सहभागी रहेको आयोजक बराहपोखरी गाउँपालिकाले जनाएको छ ।
पुस १० गतेसम्म सञ्चालन हुने खुल्ला अन्तर वडास्तरीय पुरुष फुटवल प्रतियोगिताको विजेता टिमले नगद ७५ हजार र उपविजेता टिमले नगद ५५ हजारका साथमा ट्रफि, मेडल र प्रमाणपत्र प्राप्त गर्दा सेमि फाइललिष्ट २ टिमले २०/२० हजारका साथमा मेडल र प्रमाणपत्र प्राप्त गर्ने जनाइएको छ ।
यस्तै एक जना सर्वोत्कृष्ट खेलाडीलाई नगद ५ हजारसहित शिल्ड, मेडल र प्रमाणपत्र तथा सर्वाधिक गोलकर्ता, उत्कृष्ट किपर, डिफेन्डर, मिल्ड फिल्डर, अनुशासित खेलाडी र उत्कृष्ट कोचले समेत जनही ३ हजार रुपैयाँका साथमा शिल्ड, मेडल र प्रमाण पत्र प्राप्त गर्नेछन् ।
