अजम्बर पुलामी-
२७ कात्तिक, बेलका / बेलका नगरपालिकामा प्रथम बेलका भेट्रान फुटबल प्रतियोगिता हुने भएको छ। बेलका भेट्रान फुटबल क्लबको आयोजनामा हुने सो प्रतियोगिता आगामी शनिबार बेलका–६ स्थित लेकाली रंगशाला मैदानमा खेल हुने अध्यक्ष सुकलाल चौधरीले जानकारी दिनुभएको छ।
प्रतियोगितामा ८ टिमले सहभागिता जनाउनेछन्। सहभागी टिमहरूमा बेलका भेट्रान FC, दुहबी भेट्रान FC, रामधुनी भेट्रान, मधेली भेट्रान FC, धरान कलेक्सन V.FC, राजाबास भेट्रान क्लब, चौदण्डी भेट्रान र बिराट भेट्रान क्लब रहेका छन्।
ब्रदरहुड फुटबल क्लब विशेष सहयोग र बेलका युथ क्लब सहयोगमा रहेको सो प्रतियोगितामा विजेता टिमले नगद २० हजार रुपैयाँसहित ट्रफी, मेडल र प्रमाणपत्र प्राप्त गर्नेछ भने उपविजेताले १० हजार रुपैयाँसहित ट्रफी, मेडल र प्रमाणपत्र प्राप्त गर्नेछन्।
“फिट रहौं, खेल्दै रहौं, प्रेरणा बाँड्दै रहौं” भन्ने नाराका साथ सञ्चालन हुने यो प्रतियोगिताले खेलमार्फत भेट्रान खेलाडीहरूबीच आपसी सम्बन्ध सुदृढ गर्न योगदान पुर्याउने अपेक्षा गरिएको आयोजकले जनाएको छ।
