अजम्बर पुलामी –
कात्तिक २, बेलका / बेलका नगरपालिका-८ नव श्रृजना युवा क्लबद्वारा आयोजित दोस्रो नगर कप स्तरीय जनप्रतिनिधि, कर्मचारी तथा शिक्षकहरूको फुटबल प्रतियोगिता सम्पन्न भएको छ।
गत असोज २७ गतेदेखि सुरु भएको प्रतियोगितामा बेलका वडा नं.- ६ का कर्मचारी टिमले उपाधि हात पारेको छ। फाइनल खेलमा बेलका नगरपालिकाका कर्मचारी टिमलाई ३- १ गोल अन्तरले पराजित गर्दै वडा नं.- ६ विजेता बनेको हो।
विजेता टिमले नगद २५ हजार पाँच सय सहित ट्रफी र मेडल प्राप्त गरेको छ भने उपविजेताले १२ हजार पाँच सय नगद सहित ट्रफी र मेडल पाएको छ।
समापन समारोह क्लबका अध्यक्ष भिम भुजेलको अध्यक्षतामा सम्पन्न भएको थियो। कार्यक्रममा प्रमुख अतिथि बेलका नगर खेलकुद समितिका अध्यक्ष गोपाल राई, विशेष अतिथि कुमारी बैंक लिमिटेड रामपुर शाखाका प्रमुख मनोहर पाठक लगायतको उपस्थिति रहेको थियो।
त्यसैगरी, प्रतियोगिताको म्यान अफ दि म्याच बेलका- ६ का खेलाडी नवराज राई घोषित हुनुभएको छ।
