अजम्बर पुलामी –
२८ असोज, बेलका / बेलका नगरपालिका – ८ सेतिखोला स्थित नव शृजना युवा क्लबको आयोजनामा दोस्रो नगर कप वडा स्तरीय जनप्रतिनिधि,कर्मचारी तथा शिक्षक फुटबल प्रतियोगिता २०८२ आज देखि सेतिखोला भिमफेदी रंगशालामा सुरु भएको छ ।
“खेलकुद संगै स्वास्थ्य र मित्रता” भन्ने नाराका साथ सुरु भएको प्रतियोगिताको उद्घाटन खेल बेलका नगरपालिकाको टिम र बेलका नगरपालिका वडा नम्बर ४ बीचमा भएको थियो । तर खेल सुरु भएको केही समय पछि विवाद उत्पन्न भयो। उक्त विवाद आयोजक र टिम क्याप्टेन बीच सहमति जुटाउन पटक-पटक प्रयास गरे पनि सहमति हुन नसके पछी खेलको अन्तिम निर्णय वडा नं ४ को बिरुद्द नगरको टिमले नेट बल हानेर खेलको अन्तिम टुङगो लागेको थियो ।
नव श्रीजना युवा क्लबका अध्यक्ष भिम भुजेलको अध्यक्षतामा भएको उद्घाटन खेलको प्रमुख अतिथि बेलका नगरका नगर प्रमुख अशोक कार्की, विशेष अतिथि सहयोगी बचत तथा ऋण सहकारी संस्थाका अध्यक्ष गणेश बस्नेत, बेलका एफ.एमका अध्यक्ष महेन्द्र राई, विभिन्न दलका प्रतिनिधि, सुरक्षाकर्मी तथा खेलप्रेमी हरुको उपस्थिति रहेको थियो ।
भोलिको पहिलो खेल बेलका वडा नं. १ र वडा नं. ३ साथै दोस्रो खेल बेलका वडा नं. ९ र वडा नं. ५ बीच प्रतिस्पर्धा हुने छ, खेल दिउँसो २ बजेबाट सुरु हुने छ।
